西人九事
以下是我覺得令人討厭的行為，未知你們是否這樣想？ 1. 問係咪排緊X號車 問親呢條問題既人都唔肯行多幾步睇下，我永遠只會答我估係排緊x 號車。咁驚排錯咪先己睇清楚先，答你係都唔一定啱，行多步都懶，你老味。 2. 一個人霸兩個位 巴士上有D人好鐘意一人坐兩個位，大家都係俾一個位錢，點解你可以坐兩個位？架車冇人就話，迫到冇得坐你仲霸住個位放野，唔通個位唔係俾人坐？ 3. 老馮問路 係條街度截停你，我仲以為自己犯法。 唔識行問路唔緊要，有D禮貌，加句唔該係咪會死？ 4. 用膝頭頂住椅背 通常小巴或巴士最多呢類𨶙樣，好鍾意頂住前面個位。佢地對腳係咪咁𨶙長？坐直少少得唔𨶙得?如果可以我想用支燒烤叉一野插去後面。 5. 有人入𨋢仲要關門 等多幾秒都唔得？係咪要夾到人先安樂？大家都趕時間，但都唔爭左個一分半分鐘。 6. 一路行一路睇手機 你話你一眼關七我唔理你，又要睇劇又要撞到人。睇遲一陣係咪會死？定趕住去死？ 7. 一路行一路煲煙 香港隨處都係垃圾桶，上面多數有煙灰缸，食完先行得唔得，食枝煙都係想舒服下。可能疫情關係，老實而家街上面係少左火車頭。 8. 排隊唔知想食乜 排得快餐十個十個都趕時間，排到你仲係度諗，後面d 人等等等。可唔可以一早諗定？ 9. 唔載耳筒開行手機 品味既野個個唔同，大家唔想聽你播歌或打機既音效，可唔可以載番耳筒幫幫手？ 可能仲有更多，西事不能盡錄.....