特膠正苦

接二連三有關特膠正苦出洋相事件，除了突顯膠正苦對特發事件的警剔不足，我想還是那班問責不負責高官(包括傻強、週一鑊及唐膠年)「真心膠」辦事模式令人O嘴。

先說傻強，迷債一事中，在垃圾會上竟然說對雷曼迷債的內容全不知情，究竟他是如何當上局長？至少看看報紙或問問老婆，了解一下什麼叫COD。扮傻過骨真係膠到冇朋友。

至於每週一鑊，近日的醫療事件，先有過期藥物，後有切錯睪丸(2 become 1)，究竟那班年薪過百萬的醫院管理層在做什麼？俾過期藥兼斷錯症根本不是一個醫者行為，每次看見週一鑊，頭鑩鑩回應傳媒，其實他應該自動消失，自己好過一點，大家也好過一點，至少唔怕去完正苦醫院身體少0左一部分。還有紅酒大少唐膠年，話人地講粗口，自己講過「條條fing」又唔算數，凸首講「鳩噏」變「鬥噏」又有人出來解畫，Yo講粗口，駛咩驚呀。

最最最硬膠就係為迎接北京奧運免費訂場，香港人對免費二字有抗奮症。唔駛錢喎，硬係訂左先，結果一班平時運動開既人就冇得運動，唔做運動個d訂個場黎嘆冷氣。我想問，點解又唔迎接殘奧呢？

審記阿大退休前亦道出一問題，就係政府既外判同合約制降低正苦服務質素。莫講話contract，正苦工都要等3年又3年。嘩，試一個人要6年時間，試問一個人又有幾多個6年？

特膠正苦，可唔可以膠少陣？