-
此還有真意，欲辨已忘言

Comments

Post a Comment

Popular posts from this blog

譯事三難

-
近日，與同事談起一些翻譯上的問題，希望與大家分享。廣東話的「執頭執尾」普通話應怎說？這詞組比「雞毛蒜皮」高一個層次，英文亦有一個叫 Auxiliary service的字，但意思又似乎不太相同。其次，「跑腿」英文該說成什麼呢？又不是delivery person，也不是auxiliary personnel，想了很久也找不到合適的翻譯。 有些富有地方色彩的方言更很難譯成英文。如 「埋黎睇，埋黎揀」/「睇啱埋鏡拼拼」/「益街坊好過擺貨倉」/「要錢唔要貨」能否譯作(come and see for yourself/ take a look and have a try/ bargaining sale/ cut throat sale)？我就覺得英文很少用上這類表達方式，頂多一句 “Can I help you”已經足夠。但每次走進店舖，店員「例牌」一句「有咩幫到你」就顯得突兀。在中國人的社會，我們很少主動要求別人幫忙，除非到了緊急關頭，否則「有 咩幫到你」通常換來的都是無言或「你無咩幫到我」等。最有趣的，看見一間食店叫 “Curry in a Hurry”，不知漢語應叫什麼。 翻譯大家嚴復說過譯事有三難，達至「信、達、雅」才是最高境界。但當文字變得愈來愈複雜，連使用者也不明其所以，要翻譯成另外一種文字的確要花上一番功夫。
Read more

職場上的仆街

-
出來做事日子久了，遇到「職場仆街」機會愈來愈多。這些仆街有很多不同相貌，最典型的就是你老闆。當你把手頭上完成的工作交給他 / 她，發現有錯處會把之無限放大，沒有錯就從小處著手，什麼 spacing/margin/formatting/choice of word 。他們把自己變做一部打字機，或者化身一名教師。其實他們忘記了檢查錯誤是他們的責任，但係咪要把錯處無限放大？有咩就怪罪下面，仲要同你講「我咁高職位唔睇你 D 錯。」呢 D 「人灰」 ( 人渣都不如 ) ，平時你做到識飛都唔會讚你，但你一有錯就會係咁鬧。作為一個有前膽性既老闆，係咪要有遠大既目光?恫嚇下屬並不會因此令錯誤減少，至少我係咁。 面對複雜的問題時，往往會說：「我想聽下你意見先。」之後你講完一輪後，佢會話「你方向係啱，不過…」仆你臭街，收十餅八餅無建樹都唔緊要，可以可以扮得專業 D? 咁有見地點解要下面先解釋 ? 當你有問題想請示下佢，又會話「你睇睇人地點做先問我」，到你睇完研究完再俾新方案佢，佢就話「唔好老跟，要有創意先得。」這些仆街的生存意義，就是每天製造問題，利用自己擁有所謂既權力把你交的東西左改右改。佢永遠唔會同你講改既理由，呢班仆街覺得自己好叻。叻唔叻我唔識睇，只係知道呢型仆街最鐘意睇人仆街。 可能做得老闆就要做仆街，但人有好多種，老闆都有好多種。有權有勢通常都表面溫和，仲會關心下員工，令員工賣命幫你。最仆街個 D 就係有咩你自己死掂佢唔好煩我。我衷心祝福這些仆街早日找到自己的位置，你今日所作的仆街事，將來會發生在自己的身上。
Read more

揭後語

-
揭後語是一種有趣的表達方法，沒有隱喻那份含蓄，又沒有比喻那樣高深，是一種比較平易近人的語言結構。常見揭後語如「和尚打傘 ─ 無法(髮)無天」、「姜太公釣魚─願者上釣」等都十分有意思。 不過，當揭後語來到香港之後被香港人玩轉，加了點成人成份，通俗得來又好笑。之前一早知道「法國大餐」=「多舊(九)魚」、「荷蘭人賣橙」=「好(能)慘」。近來又多學了一個「三級」揭後語，就是「荷蘭銀行支票」Holland Bank Cheque = 好x笨七。 最不文的是有一次與老闆工作後，他對我說：「呢鑊野真係 “阿婆跑步"，我地一定唔做。」我問他“阿婆跑步”是啥意思，他答：「咪即係 “老西都走”囉傻仔。」
Read more