Reject letters

近日經常收到遭拒絕既信，無論係個人抑或有關家人既，收到呢類信件都係內心一沉，但係又冇咩可以做，其實都幾無奈。生命有好多野都唔係我地掌握之中，當你以為自己準備得好好，只係等待一個機會既時侯，往往都係無下聞。我開始反思自己，究竟自己係咪真係好唔惦？雖然好人同我講，你都算係咁啦，有工開有老婆仲有埋個女。我十分明白呢D說話都係出於善意，目的係安慰我。但事實可能係我自己自視過高，正所謂：「高估了自己同時又低估了事件的難度。」而家我好迷惘，對自己有D厭惡。但係身為一個男人，又要表現得冇事，所有唔開心既野又要收收埋埋，真係好鬼大壓力。

點都好，為自己為屋企人，幾唔開心都要撐住。